Ghost valgte Malakoff
Festivalsjef Arnt-Ivar Naustdal fortel om korleis Malakoff klarte å booke Ghost til sin headliner-spot fredag 20 juli.
- Ghost er eit band vi har ynskt oss i mange år, og i år var det ei mogelegheit for å få det til. Vi kunne tilby ei ramme rundt denne konserten, med den vestlandske naturen og utsikt til fjorden, som eg trur var avgjerande for å få dei hit. I tillegg kunne vi vise til gode og store namn å vise til frå tidligare år, som nok også var med på å dra lasset, seier Naustdal.
Og festivalsjefen seier dei også er stolte av å ha fått til denne bookinga.
- Det er klart at det er ikkje lett å få eit slikt band hit, så vi tek det som eit klapp på skuldra at vi faktisk har fått det til. I tillegg har bandet akkurat no gjeve ut ei plate som eg personleg synest er fantastisk bra, og som verkar å gje dei ein breiare appell. Så når vi først skulle få dei hit, er vi veldig glade for at det vart i år, seier festivalsjefen.
Nattmesse
Og det vert ei skikkelig nattmesse Ghost stell i stand denne fredagskvelden, eller natta, for å vere presis. Det var også sentralt i bookinga, seier Naustdal.
- Ja, det var ikkje noko alternativ der, hverken for dei eller oss. Det måtte bil då, og konserten vert frå 00.30 til 02.00, så det vert ei veldig spesiell oppleving for alle trur eg. Sjølv har eg sett dei fleire gongar før, men eg gler meg spesielt til å sjå dei nettopp her, med den ramma som vert rundt, seier Naustdal.
God miks
Naustdal understreker også at dei alltid bookar banda ut frå den samansetninga og tidspunkta dei vil fylle på programmet.
- Vi bookar alltid band med ein viss plan for korleis vi vil bruke dei på festivalen. Slik var det også i dette tilfellet, og det er også tilfellet med dei fleste andre banda vi har på festivalen.
Og om ein ser på samansetninga av artistar på Malakoff har hatt, heilt sidan oppstarten, er det tydelig at dette er ein samansett festival, med mykje meir enn midnattsmesser med svenske skrømt.
- Vi starta ut som ein rockefestival, og det er framleis den musikken som ligg oss nærast, forklarar festivalsjefen. Men vi er også nøydd til å vere ein festival for ungdomen i Sogn og Fjordane, i tillegg til at vi ligg på Nordfjordeid, og er veldig avhengig av dei lokale aktørane her, for å få denne festivalen til å gå rundt. Difor har vi lagt opp til denne miksen, som eg synest vi har fått til på ein god måte, avsluttar Naustdal.
Malakoff går føre seg frå 19-21 juli, i parken på Nordfjordeid, og i tillegg til Ghost, spelar mellom andre Gluecifer, Wolfmother, Gabrielle og Kjartan Lauritzen i løpet av helga.
FLERE INTERVJUER
– Har aldri kjent på ekte sinne før dette bruddet
Jade Bird brenner gamle minner i ny EP om brudd.
Heksene i Witch Club Satan slipper debutalbum!
- Vi driver med Witch Club Satan for å være konstant på vakt og speile vår tid. Hvis vi ikke klarer det lengre så får noen andre overta.
Blitt en mer selvsikker musiker
- Sammen med plata har jeg også vokst som menneske, sier albumaktuelle Fay Wildhagen. >>
– Jeg ble bedt om å bli med i Yes
Ex-Genesis-gitarist Steve Hackett om nytt album, ånder og USA-hits. >>
Feirar 10 år med nytt album
2. februar slepp duoen Golden Core sitt tredje album, Kosmos Brenner. >>
Aldri vært stoltere av egen musikk
For første gang på mange år kjenner Kristoffer Lo på en enorm gnist til å lage musikk. >>
– Djevelen viste seg som svart hund
Sivert Høyem med ny plate, inspirert av fiskevær, sagn og Hamsun. >>
– ZZ Top stjal våre moves
Orchestral Manoeuvres in the Dark starter på ny turné i Oslo mandag kveld. >>
- Har tatt flere sjanser
Krissy Mary aka Kristine Marie Aasvang er ute med andrealbumet «Virago». >>
Glen Matlock - Den snille i Sex Pistols
- Det var jeg som laget musikken til mesteparten av «Never mind the Bollocks», sier Glen Matlock, originalbassisten fra Sex Pistols >>